झिम्बाब्वेचे महान खेळाडू हीथ स्ट्रीक यांचे वयाच्या ४९ व्या वर्षी निधन
झिम्बाब्वेचा माजी कर्णधार हिथ स्ट्रीक यांचे मंगळवारी (२२ ऑगस्ट) कर्करोगाशी झुंज देत वयाच्या ४९ व्या वर्षी निधन झाले.
हिथ स्ट्रीक हा झिम्बाब्वे क्रिकेटच्या महान खेळांडूपैकी एक म्हणून ओळखला जातो आणि झिम्बाब्वे क्रिकेटच्या सर्वोत्तम युगांपैकी एकामध्ये काही वर्षे त्याचे नेतृत्व केले. मंगळवारी विविध मीडिया आउटलेट आणि त्याच्या काही सहकाऱ्यांनी सोशल मीडियावर जाऊन त्याच्या निधनाची बातमी जाहीर केले. U20 Wrestling World Championships : सलग सुवर्णपदक जिंकणारा पहिला भारतीय ग्रेपलर अंतीम पंघल
१९९० च्या दशकाच्या उत्तरार्धात आणि २००० च्या सुरुवातीस स्ट्रीक हा झिम्बाब्वेसाठी महत्त्वाचा खेळाडू होता, त्याने कसोटी सामने आणि एकदिवसीय सामन्यांमध्ये उत्कृष्ट कामगिरी केली. कसोटी (२१६) आणि एकदिवसीय (२३९) मध्ये झिम्बाब्वेकडून सर्वाधिक बळी घेण्याचा विक्रम त्याच्या नावावर आहे.
कसोटीत १,००० धावा आणि १०० विकेट्स घेण्याचा, तसेच २,००० धावा आणि एकदिवसीय सामन्यात २०० विकेट्स घेण्याची दुहेरी कामगिरी करणारा स्ट्रीक हा एकमेव झिम्बाब्वेचा खेळाडू आहे.
त्याने बांगलादेश, झिम्बाब्वेसाठी प्रशिक्षक म्हणूनही काम केले आणि आयपीएलमध्ये कोलकाता नाईट रायडर्समध्येही काम केले.
