रोहन बोपण्णा आणि मॅथ्यू एबडेनची पुरुष दुहेरीच्या उपांत्यपूर्व फेरीत धडक
भारताचा रोहन बोपण्णा आणि त्याचा ऑस्ट्रेलियन जोडीदार मॅथ्यू एबडेन यांनी रविवारी ३ सप्टेंबर रोजी रात्री ब्रिटीश जोडी ज्युलियन कॅश आणि हेन्री पॅटेन यांच्यावर तीन सेटमध्ये संघर्षपूर्ण विजय मिळवत यूएस ओपन २०२३ च्या पुरुष दुहेरीच्या उपांत्यपूर्व फेरीत प्रवेश केला.
सहाव्या मानांकित इंडो-ऑस्ट्रेलियन जोडीने आर्थर येथे तिसऱ्या फेरीत दोन तास २२ मिनिटे अथक परिश्रमानंतर कॅश आणि पॅटन या ब्रिटिश जोडीवर ६-४, ६-७(५), ७-६(१०-६) असा विजय मिळवला.
Javelin Throw Final कधी, कुठे येथे वाचा
या वर्षाच्या सुरुवातीला विम्बल्डनच्या उपांत्य फेरीत पोहोचलेल्या बोपण्णा आणि एबडेन यांनी १३ एसेस मारले आणि त्यांच्या पहिल्या-सर्व्ह पॉइंटपैकी ८१ टक्के जिंकले. भारतीय-ऑस्ट्रेलियन जोडीचा पुढील सामना अव्वल मानांकित वेस्ली कूलहॉफ आणि नील स्कुप्स्की किंवा अमेरिकन नॅथॅनियल लॅमन्स आणि जॅक्सन विथरोशी होईल.
याआधी बोपण्णा मिश्र दुहेरीच्या स्पर्धेतून बाहेर पडला होता ज्यात त्याने इंडोनेशियाच्या अल्दिला सुतजियादीशी भागीदारी केली होती. या जोडीला दुसऱ्या फेरीत बेन शेल्टन आणि टेलर टाऊनसेंड या अमेरिकन जोडीकडून २-६, ५-७ ने पराभव पत्करावा लागला.
