ऋतुराजने एका ओव्हरमध्ये ठोकलेत तब्बल 7 षटकार
भारताचा फलंदाज ऋतुराज गायकवाड याने सोमवारी, २८ नोव्हेंबर रोजी विजय हजारे ट्रॉफीच्या उपांत्यपूर्व फेरीतील लढतीत सलग 7 षटकार ठोकून लिस्ट अ क्रिकेटचा विक्रम मोडीत काढला
ऋतुराजने एका ओव्हरमध्ये ठोकलेत तब्बल 7 षटकार
क्रिकेटच्या इतिहासात एकाच षटकात सात षटकार मारणारा ऋतुराज गायकवाड (Ruturaj Gaikwad) महाराष्ट्राचा पहिला क्रिकेटपटू बनला . त्याने उत्तर प्रदेश विरुद्धच्या या सामन्यातील 49व्या षटकात ही कामगिरी केली.
6⃣,6⃣,6⃣,6⃣,6⃣nb,6⃣,6⃣
— BCCI Domestic (@BCCIdomestic) November 28, 2022
Ruturaj Gaikwad smashes 4⃣3⃣ runs in one over! 🔥🔥
Follow the match ▶️ https://t.co/cIJsS7QVxK…#MAHvUP | #VijayHazareTrophy | #QF2 | @mastercardindia pic.twitter.com/j0CvsWZeES
ऋतुराजने सात षटकार मारल्याने या षटकात महाराष्ट्राने 43 धावा केल्या आणि त्याने द्विशतकही पूर्ण केले. त्याने पहिल्या 100 धावा 109 चेंडूत केल्या आणि नंतरच्या 120 धावा केवळ 50 चेंडूतच केल्या.
महाराष्ट्राच्या सलामीवीराने 159 चेंडूत नाबाद 220 धावा करत आपली धडाकेबाज खेळी पूर्ण केली. 10 चौकार आणि 16 षटकारांनी रचलेल्या त्याच्या भक्कम खेळीमुळे त्याच्या संघाने 50 षटकांत 330/5 अशी स्पर्धात्मक एकूण धावसंख्या उभारली.
सर्व प्रकारच्या क्रिकेटमध्ये एका षटकात सर्वाधिक षटकार मारण्याचा विक्रम माजी ब्लॅककॅप्स यष्टिरक्षक फलंदाज ली जर्मोनच्या नावावर आहे
गायकवाडचे 43 धावांचे षटक लिस्ट ए क्रिकेटच्या इतिहासातील संयुक्त-सर्वाधिक महाग षटक ठरले, यापूर्वी 2018 मध्ये न्यूझीलंडच्या स्थानिक 50 षटकांच्या खेळात नॉर्दर्न डिस्ट्रिक्ट्सच्या ब्रेट हॅम्प्टन आणि जो कार्टर यांनी मिळवले होते.
