सचिन तेंडुलकरच्या ५० व्या वाढदिवसानिमित्त शारजाह स्टेडियम स्टँडला सचिनचे नाव देण्यात आले
सचिन तेंडुलकरच्या ५० व्या वाढदिवसाच्या स्मरणार्थ, प्रसिद्ध शारजाह क्रिकेट स्टेडियममधील वेस्ट स्टँडचे ‘सचिन तेंडुलकर स्टँड’ असे नामकरण करण्यात आले आहे.
भारतीय क्रिकेटच्या दिग्गज खेळाडूला सोमवारी त्याच्या ५० व्या वाढदिवसानिमित्त सन्मानित करून यूएईमध्ये एका विशेष समारंभात शारजाह क्रिकेट स्टेडियमच्या प्रतिष्ठित स्टँडचे नामकरण सचिन तेंडुलकरच्या नावावर करण्यात आले आहे.
आयकॉनिक स्टेडियममधील वेस्ट स्टँडचे नाव बदलून ‘सचिन तेंडुलकर स्टँड’ असे ठेवण्यात आले आहे.
चाहत्यांसाठी वाईट बातमी, ऋषभ पंत वर्ल्डकप पर्यंत अन फिट
शारजाह क्रिकेट स्टेडियममध्ये सचिनची कामगिरी
२२ आणि २४ एप्रिल १९९८ रोजी झालेल्या भारत, ऑस्ट्रेलिया आणि न्यूझीलंड यांच्यातील त्रिकोणी मालिका, कोका-कोला कपच्या अंतिम सामन्यातील सचिन तेंडुलकरची उत्कृष्ट कामगिरी ‘डेझर्ट स्टॉर्म’ म्हणून सर्वत्र ओळखली जाते. या दोन सामन्यात त्याने शानदार १४३ आणि १३४ धावा केल्या, ज्याची इतिहासाच्या पुस्तकात नोंद झाली आहे.
तेंडुलकरने ३४ स्टेडियममध्ये एकदिवसीय आंतरराष्ट्रीय (ODI) मध्ये एकूण ४९ शतके झळकावली आहेत, परंतु शारजाह क्रिकेट स्टेडियमवर त्याची अपवादात्मक कामगिरी, जिथे त्याने एप्रिल १९९८ मध्ये दुहेरी शतके झळकावली, ती जगभरातील त्याच्या चाहत्यांसाठी एक संस्मरणीय आणि गाजलेली कामगिरी आहे.
स्टँडला नाव देण्याच्या वृत्तावर प्रतिक्रिया व्यक्त करताना सचिनने एका संदेशात म्हटले आहे की,
“मी तिथे असतो असे मला वाटते पण दुर्दैवाने माझ्याकडे पूर्वीच्या वचनबद्धते होत्या. शारजाहमध्ये खेळणे हा नेहमीच एक शानदार अनुभव राहिला आहे. उत्साही वातावरणापासून ते प्रेम, आपुलकी आणि पाठिंबा, शारजाह जगभरातील भारतीय क्रिकेट चाहत्यांसाठी आणि खेळाच्या प्रेमींसाठी हे एक खास ठिकाण आहे,” तो म्हणाला.
“डेझर्ट स्टॉर्म मॅचच्या २५ व्या वर्धापन दिनानिमित्त आणि माझ्या ५० व्या वाढदिवसानिमित्त बुखातीर आणि त्यांच्या टीमचे खूप खूप आभार,” तो म्हणाला.
